Arquivo/Buscador
Índice de autores/as e de títulos
Hemeroteca 2010-2014
Inicio > Arquivo > Ficha

Pallarés, Pilar (2001)
"Piñeiro da Caeira. A Alexandre Bóveda"
1 minuto e 13 segundos



ppallares_pinheiro.mp3 (.mp3 578 Kb)


Descrición: Gravación pertencente ao volume Poetas e narradores nas súas voces, coordinado por Luísa Castro e publicado polo Arquivo Sonoro de Galicia (Santiago de Compostela: Consello da Cultura Galega, 2001).

Tipo de son: Audio creación

Formato: mp3

Fonte: Consello da Cultura Galega

Observacións:

PIÑEIRO DA CAEIRA. A ALEXANDRE BÓVEDA

Endexamais soñaras a súa morte,
a súa ollada atónita
adestrada hora a hora
na espera dunha alva sangrenta
mais à que custa crer
que esta luz de verán
será definitivamente a derradeira,
estes sons indecisos que organizan o dia,
unha canción de berce
que o primeiro disparo virou en ladaíña.

Endexamais soñaras o estoupido do sangue,
este esgallar de ponlas sen tronada
baixo un ceu de marfin
e o espanto das coruxas
sen que asobie ao lonxe o leñador.

Tampouco el esperava ser heroi.
Ao encostaren-no a ti
só podia lembrar unha cantiga vella de orfeón,
un colo forte e morno de muller.
Era estraño morrer contra unha árvore
nacida para os chios dos paxaros,
o zoar do nordés,
un gume que faísca silandeiro
e ese lento luir até ser mesa,
leito de morte e amor,
e a ucha dos recendos
lavrada polo pai.

[Poemas. Palma de Mallorca: Universitat de les Illes Balears, 2000]

 
 

culturagalega.org
Audiovisual | Música | Literatura | Banda deseñada

Subscríbete | Entra no teu perfil | Aviso legal | Licenza de uso | Contacto

Consello da Cultura Galega
Pazo de Raxoi, 2 andar. 15704 Santiago de Compostela (Galicia)
Tfno: 981957202 / Fax : 981957205 / e-mail: redaccion@culturagalega.org