Hai un par de meses, a Asociación de Escritores en Lingua Galega fixera un chamamento aos seus socios e socias para que enviasen colaboracións inéditas sobre Lois Pereiro coa intención de elaborar un libro-homenaxe. A convocatoria, que tamén fora publicitada neste espazo, estaba aberta a poemas, versións ou fotografía e ilustración.

Agora, ese libro electrónico en formato epub pode descargarse libremente no web da AELG, de xeito que os camiños para a visibilización e actualización da obra e pensamento de Pereiro que se procuraban con el quedan abertos a todos os interesados e interesadas.