O martes 10 de decembro, organizadas polo Centro de Información e Recursos da UNED da cidade herculina e coordinadas por Javier Pintor, arrinca a décima tempada destes encontros con creadoras e creadores. A cita inicial, ás 18:30 h., contará coa participación dos poetas Ánxeles Penas e Manuel Álvarez Torneiro. Será no Salón de Actos da sede da UNED e intervirá como condutor da sesión Xavier Seoane.