Velada poética matinal, no marco do denominado Salón de
Poesía que ten lugar case todos os domingos ás 12 da mañá no Teatro Słowackiego, un dos máis importantes de Cracovia.

A velada do domingo día 13 de maio está dedicada á poesía galega e titúlase Życie tutaj to zjawisko atmosferyczne [A vida aquí é un fenómeno atmosférico]. A programación de Joanna Mastalerz, directora destes eventos, consistirá nunha breve introdución sobre Galicia e a súa literatura a cargo de Maria Filipowicz-
Rudek, directora do Centro de Estudos Galegos de Cracovia, seguida dun recital de textos poéticos e prosísticos traducidos ao polaco pola mesma profesora e os seus estudantes. Entre eles, cantigas de amigo e de amor e poemas da autoría de Rosalía de Castro, Álvaro Cunqueiro, Rafael Dieste, Xohana Torres, Manuel María, Lois Pereiro, Fran Alonso e Manuel Rivas.

As actrices Joanna Mastalerz e Dominika Bednarczyk e o actor Radosław Krzyżowski recitarán os textos organizados en tres partes entrelazadas unhas con outras arredor dos conceptos de vida, palabra e amor. O gaiteiro escocés Lindsey Davidson, o violinista Paweł Wajrak e o guitarrista Michał Nagy interpretarán composicións orixinais inspiradas na música tradicional galega.