O Cullarapo Croque é o personaxe condutor dos versos incluídos no libro homónimo, que constitúe o quinto dos cadernos Q de Vián. Estes cadernos pretenden ser unha vía de difusión da produción artística galega, e para este quinto volume conseguiron recadar 3000 euros de financiamento a través do crowdfunding.

Con textos de Miguel Ángel Alonso Diz e ilustracións de Luz Beloso trátase dunha aposta especial do colectivo A Porta Verde do Sétimo Andar pola poesía para os máis cativos da casa.