Este dossier constitúe unha ampliación da edición facsimilar do manuscrito d'Os Eidos que Anxo Tarrío Varela preparou hai dous anos para o libro Día das Letras Galegas 2010. Uxío Novoneyra, editado por el mesmo baixo o selo da Universidade de Santiago de Compostela.

O sistema de navegación do documento, deseñado e desenvolvido por Manuel Martínez Barreiro, constitúe un áxil e atractivo complemento, que non só permite apreciar co máximo detalle a caligrafía e os debuxos de Novoneyra senón que asemade facilita -segundo interese ao lector/a- o acceso independente á edición de 1955 ou ao caderno no que o autor redactou entre 1952 e 1954 o derradeiro autógrafo d'Os Eidos antes de o dar ao prelo.

O equipo de poesiagalega.org agradece a colaboración de Anxo Tarrío Varela co proxecto.