A exposición poderase visitar no mes de marzo de luns a venres entre 8:30h e 21h e os sábados de 10h a 14h.

Auga Editora e mais a Secretaría Xeral de Cultura presentaron a edición bilingüe galego-castelán de Longa noite de pedra, con ilustracións de María Lires. Nos vindeiros meses, dúas novas edicións bilingües achegarán esta obra a outros públicos. Unha delas, galego-inglés, que se publicará dentro da colección Galician Classics da propia Xunta de Galicia. A outra compartirá galego e francés e aparecerá no catálogo de Editions L'Harmattan.