Os obxectivos das xornadas son a definición de modelos de análise, a reconstrución dun mapa de poéticas vinculadas ao experimentalismo, así como o estudo da súa recepción por parte de público e crítica.

A conferencia inaugural será pronunciada por Jean-Marie Gleize (École Normal Supérieure de Lyon), como punto de partida para un programa que inclúe as ponencias de Carlota Caulfield (University of Oakland), Rui Torres (Universidade Fernando Pessoa), Jean-Pierre Bobillot (Université Stendhal Grenoble-III), Klaus Peter Dencker (Universität Trier) e Susana Romano (Universidad Nacional de Córdoba).

O programa inclúe, ademais, sesións de comunicacións organizadas de acordo cos obxectivos centrais do evento, así como mesas redondas e intervencións artísticas a cargos de teóricos, críticos e/ou poetas de proxección internacional.