Os artigos  de perfil máis teórico abordan as ideas de subxectividade e subxectivación na cultura actual (Juan Carlos Rodríguez), o concepto de resistencia (Rosa Maria Martelo), as tipoloxías e métodos da intervención poética (Jordi Claramonte Arrufat) ou os vínculos entre experiencia do cotián e a polis (Claude Le Bigot).

Outras das achegas asumen unha perspectiva máis aplicada e investigan a relación entre poesía e crónica na poesía de Jorge Riechmann (Laura Scarano), o concepto de expoesía a partir de procesos artísticos contemporáneos na Arxentina (Susana Romano Sued), a inscrición espectacular de distintas poéticas galegas contemporáneas (Isaac Lourido Hermida), as ideas sobre o poeta e o poético na escrita de Antonio Skármeta (Cornelia Graebner), a intervención social e poética de Washington Cucurto (Ben Bollig) ou os trazos da guaracha cubana como xénero poético e popular (Ana Chouciño Fernández).

Todos os contidos do dossier son de acceso público no sitio web de Tropelías: Revista de Teoría de la Literatura y Literatura Comparada.