Coincidindo co centenario do nacemento de Álvaro Cunqueiro, o músico César Morán saca á luz o libro Haberá primavera, que vai acompañado de dous cds: no primeiro están as versións de catorce poemas do autor mindoniense e un do propio músico; no segundo ofrécesenos a derradeira entrevista concedida por Álvaro Cunqueiro, precisamente a César Morán.

O libro-disco, de carácter intimista, achega guitarra, frauta traveseira, saxo alto, contrabaixo e percusión e conta coa colaboración de Uxía Senlle.

O concerto de presentación terá lugar o 20 de decembro ás 20 h no salón de actos da Casa Galega da Cultura (Praza da Princesa, 2) de Vigo.