O xurado, composto por Rosa Aneiros, Andrea Nunes e Marica Campo, decidiu por unanimidade escoller como gañador o poemario Fase de trema de Lorena Souto, licenciada en Filoloxía pola Universidade de Santiago e membro do consello de redacción da revista Dorna. A autora definiu o seu libro como "unha evolución da percepción da realidade contra os estereotipos do patriarcado desde unha perspectiva  feminina no que o eu acaba abrazando un ton máis colectivo e múltiple".

O acto de entrega celebrarase  o 19 de novembro en Fene e a obra será publicada na editorial Espiral Maior.