Presentación da obra Lois Pereiro. Fotobiografía Sonora

A obra inclúe unha biografía narrada polo seu irmán, o xornalista Xosé M. Pereiro, e un dobre CD en que se pode escoitar unha entrevista ao propio Lois Pereiro e unha selección dos seus poemas musicados.

Presentación de Unha tempada no paraíso, de Claudio Rodríguez Fer

O acto enmárcase nos I Encontros da Serie Esmorga, organizados pola editorial Toxosoutos. Alén do autor intervirá a poeta Olga Novo, responsábel da introdución, e David González Couso, editor.

Presentación do libro de Miguel Mato Señardade da luz (A obra poética de Manuel María)

A Agrupación Cultural Alexandre Bóveda comeza a súa nova xeira como editora coa publicación do libro de Miguel Mato Señardade da luz (A obra poética de Manuel María).

V Encontro Milpedras

Recital conxunto de poesía, música e fotografía

Nova edición de A hostia en verso

Combate lírico que enfronta poetas do proletariado contra poetas pequeno-burgueses. Actuarán Ledicia Costas, Daniel Landesa, Xabier Xardón, David Rodríguez, Lara do Ar e Eduardo Estévez.

Inauguración de NORMAL, espazo de intervención cultural da UDC

A antiga sede da Escola de Maxisterio da Coruña ofrecerá unha programación interdisciplinaria, vinculada á experimentación e ás linguaxes contemporáneas. A primeira iniciativa é a exposición de arte urbana "Agora isto", comisariada por Nano 4814.

Moita poesía, pouca diversión, con Lucía Aldao e María Lado

Dentro do ciclo "En feminino", o Fórum Metropolitano ofrece este espectáculo poético-musical a cargo de Lucía Aldao e María Lado. A entrada é libre até completar capacidade.

Homenaxe dos poetas a Luís Caruncho

Escritores e poetas coruñeses celebrarán un acto público de homenaxe ao artista Luís Caruncho, coincidindo coa mostra que acolle a sala de exposicións do Pazo Municipal de María Pita.

Presentación de Estremas, de Ana Romaní

Presentación do novo poemario de Ana Romaní, Estremas (Galaxia). Xunto á autora participan Carlos Lema e María do Cebreiro.

Presentación de Viaje a Lugo, de Álvaro Cunqueiro

O acto contará coa participación de César Cunqueiro (fillo do autor), María Xesús Nogueira (responsable da introdución, estudo e notas), Olivia Rodríguez (directora da colección Rescate de Alvarellos Editora), Xesús Blas Loures (pintor) e Henrique Alvarellos (editor).

Presentación do libro A frecha azul do teixo, de Eva Veiga

Presentación do libro de poemas A frecha azul do teixo, de Eva Veiga, publicado en Espiral Maior. Xunto á autora intervirán Teresa Seara, Francisco X. Fernández Naval e Miguel Anxo Fernán-Vello, e o acto finalizará coa actuación do Grupo Ouriol (Eva Veiga, Fito Ares e Bernardo Martínez).    

Recital multimedia de Yolanda Castaño

Dentro do ciclo "En feminino" o Fórum Metropolitano ofrece un recital no que a poeta Yolanda Castaño une á poesía as linguaxes das novas tecnoloxías. A entrada é libre até completar capacidade.

Homenaxe a Herminio Barreiro. (In memoriam)

Intervirán: Juan José Casares Long, Xosé Luís Méndez Ferrín , Miguel Pérez Pereira, Xosé Barral Sánchez, Xesús Redondo Abuín e David Barreiro Martínez.    

Congreso Uxío Novoneyra

O comité organizador está formado por Xosé Luís Axeitos, Carlos Paulo Martínez Pereiro e Carme Vilariño. A conferencia inaugural corre a cargo de Pilar García Negro e a de clausura pronunciaraa Ramón Lorenzo Vázquez. Entre as participantes atópanse tres integrantes do Grupo Alea de Análise Poética: Ana Acuña, María Xesús Nogueira e Olivia Rodríguez.

Recital poético en homenaxe a Perfecto Estévez

No acto, presentado por Dores Tembrás, intervirán Francisco X. Fernández Naval, Yolanda Castaño, Xulio L. Valcárcel, Marica Campo, Diana Varela e Cesáreo Sánchez, alén da actuación musical de César Morán e Xosé Taboada.    

Congreso Uxío Novoneyra

O comité organizador está formado por Xosé Luís Axeitos, Carlos Paulo Martínez Pereiro e Carme Vilariño. A conferencia inaugural corre a cargo de Pilar García Negro e a de clausura pronunciaraa Ramón Lorenzo Vázquez. Entre as participantes atópanse tres integrantes do Grupo Alea de Análise Poética: Ana Acuña, María Xesús Nogueira e Olivia Rodríguez.

Representación d'A illa das mulleres loucas

Dentro do programa "Con T de teatro" que organizan a Concellería de Cultura e Animación Sociocultural de Vigo representarase a peza que a Compañía Inversa Teatro preparou a partir do libro A illa das mulleres loucas de Alfonso Pexegueiro

Congreso Uxío Novoneyra

O comité organizador está formado por Xosé Luís Axeitos, Carlos Paulo Martínez Pereiro e Carme Vilariño. A conferencia inaugural corre a cargo de Pilar García Negro e a de clausura pronunciaraa Ramón Lorenzo Vázquez. Entre as participantes atópanse tres integrantes do Grupo Alea de Análise Poética: Ana Acuña, María Xesús Nogueira e Olivia Rodríguez.

A Coruña de Luísa Villalta

Dentro do ciclo de conferencias "Para saber +" do Fórum Metropolitano, María Casar falará sobre "Territorios literarios. A Coruña de Luísa Villalta".

Poetas di(n)versos

Dentro do ciclo "Poetas di(n)versos" dirixido por Yolanda Castaño e organizado pola Concellaría de Cultura do Concello da Coruña, terá lugar o recital de Miren Agur Meabe e Claudio Rodríguez Fer.

Presentación de Todas as mulleres que fun de Andrea Nunes

O libro de Andrea Nunes Brións constitúe o primeiro número de creación de Corsárias, editora, libraría e distribuidora que desde a súa creación en 2009 leva realizando un importante labor de activismo cultural

Presentación de Bater de sombras de Francisco X. Fernández Naval

O último libro de Francisco X. Fernández Naval, que ve a luz en Espiral Maior, foi merecedor do X Premio de Poesía Fiz Vergara Vilariño

Lectura simultánea de textos rosalianos

Para celebrar o Día de Rosalía, a Asociación de Escritores en Lingua Galega organiza unha lectura simultánea dos seus textos en varias cidades e vilas galegas.

Presentación de A grafía dos mapas de Lupe Gómez

Novo poemario de Lupe Gómez publicado pola Editorial Toxosoutos

Presentación de Poemas alumeados, de Luís Seoane

A Casa dos Poetas de Celanova acolle hoxe, ás 19.00 horas, a presentación do libro Poemas alumeados, escolma de textos de Luís Seoane ilustrados por diversos artistas.

Presentación de Sahara e Alambradas de David Fernández Rivera

O poeta David Fernández Rivera dará un concerto-recital de presentación de dous dos seus poemarios de maior actualidade no Pazo de Mos

Presentación de Antítese nativa, de Manuel L. Rodrigues

No acto participarán o autor do poemario e Ramón Blanco Fernández, en representación da editorial Acha Escrava.