Despois de moitos anos sen publicar novos libros de poemas, Pilar Pallarés ofrece en Espiral Maior unha proposta/viaxe da que, en palabras da prologuista Eva Veiga, non se regresa incólume.

O título Leopardo son procede de Ricardo Carvalho Calero: "Un leopardo son que lese a Bíblia". As ilustracións e a capa son de Alfonso Costa.

Velaquí un dos poemas:

"Para que te serve essa cruel boca de fome?"
Esta inercia de ser non é a vida.
Soños de animal manso
que xa non venta o sangue
e zizaguea
nun rasto azul de pole e de insectos.

Até que á noite acordas coa memoria do tobo
e do peso da gacela non teu ventre:
un espasmo de luz incendia o bosque.