Breve anotación autopoética na que o autor reconsidera antigas conviccións persoais sobre as capacidades da poesía para modificar o estado das cousas no mundo. Fronte aquela ideación, no momento de redactar esta nota autoindagatoria Rábade Paredes sinala a súa preferencia por unha poesía que evite toda estridencia, todo brillo gratuíto; unha poesía que saiba dialogar co silencio, entendelo de xeito tal que a precisión da palabra sexa quen de traducir a linguaxe as incógnitas da existencia e do paso do tempo. A autopoética vai seguida polo poema en catro tempos "Nai", escrito en versos alexandrinos combinados con hendecasílabos e heptasílabos.