Entrevista a Antón Reixa que repasa toda a súa traxectoria artística. A partir da publicación do poemario Látego de algas (Espiral Maior, 2008), na entrevista son abordados distintos aspectos: as relacións entre creación, vangarda e intervención social; as distintas aperturas interartísticas experimentadas na súa obra; ou as constantes e as mudanzas derivadas da súa participación nos ámbitos literario, musical e audiovisual. Asemade, Reixa esclarece algúns dos seus referentes no ámbito poético (Méndez Ferrín, Nicanor Parra, Joan Brossa) e declara o seu interese por poéticas máis recentes como as de Daniel Salgado, Chus Pato, Yolanda Castaño, Agustín Fernández Mallo ou Oriana Méndez.