Neste artigo de homenaxe, Anxo Angueira aborda o subxénero poético do testamento na literatura galega a través da Rosalía de Castro, Eduardo Pondal e Xosé Luís Méndez Ferrín. 

Despois de facer un percorrido pola historia do subxénero dende a poesía medieval francesa, o autor exemplifica co "Testamento do ghebo" de Méndez Ferrín varios poemas de Pondal (sobre todo "Cando jazan do cisne") e "De balde" de Rosalía.Angueira analiza as semellanzas e as diferenzas entre os tres poetas galegos e advirte interesantes paralelismos relacionados coa literatura francesa.

Remata indicando que Méndez Ferrín dialoga co subxénero do testamento a través do seu perfil máis emblemático (Villon, Valle, Brassens) e consegue que "o Vigo canalla e mailo ghebo" entren "na República Mundial das Letras".