Recensión de Morte do fadista de Manuel Forcadela, poemario merecente do Premio Espiral Maior e publicado co número 100 da colección homónima. Logo de pasar revista á anterior produción poética, narrativa e ensaística de Forcadela, a reseña céntrase en debullar o que de novo ofrece un poemario que non deixa de ser coherente co universo literario do poeta. Agora ese universo anóvase cunha ollada ao tempo saudosa e escéptica, na que o afán de descifrar o enigma existencial dilúese nunha proposta irónica que é froito da madurez.