Primeira entrega dunha serie de tres artigos de Xesús Bal y Gay sobre a chamada "nova xeración". O autor reflexiona, a propósito dunhas columnas publicadas por Dieste no mesmo xornal, sobre a dinámica das xeracións literarias. Desde a súa perspectiva, é natural a diverxencia de pensamento entre persoas de diferentes xeracións. Porén, se esa discrepancia non se canaliza convenientemente, queda reducida a unha reacción baleira. A posición dos integrantes da nova xeración é delicada pois, se nalgún aspecto coinciden cos "vellos", serán criticados polos seus coetáneos e, se mostran o seu desacordo con algún feito pasado, atoparán a hostilidade dos maiores. Bal remata o artigo cunha chamada ao entendemento e á colaboración.