Recensión da reedición do primeiro libro de poemas de Salvador García-Bodaño, Ao pé de cada hora (A Coruña: La Voz de Galicia, 2002). A través do poder creador da memoria, o libro reconstrúe unha historia que ten unha dimensión á vez individual e social. O amor constitúe o eixe vertebrador da historia persoal, como se dun cancioneiro se tratase. A historia colectiva, do pobo galego, evócase por medio dunha serie de elexías dedicadas aos seus personaxes ilustres.