Vicente Araguas sinala o papel preponderante das mulleres na poesía galega actual. Aclara que Cristina Ferreiro Real se inscribe no "SentimentalISMO", corrente e proxecto editorial de Xesús Manuel Valcárcel, autor do prólogo deste libro, no que explica certos aspectos da súa tendencia. O crítico sinala en Desequilibras e caer os trazos de orixinalidade, ruptura e escatoloxía, en medidas doses. Pola vontade de estilo e rigor conceptual, a poeta fai que a súa lectura resulte un estímulo, e esa característica a sitúa na liña que comeza en Xohana Torres e continúa con Xela Arias, Luísa Castro, Luísa Villalta, Eva Veiga, Yolanda Castaño, María do Cebreiro, Emma Couceiro, María Lado ou Lucía Aldao, aparte de Chus Pato, que vai máis aló do verso lírico.