Estudo das achegas teóricas de Xoán González-Millán. Enuméranse as cuestións que centraron os seus traballos: a nación desde as teorías da subalternidade, a constitución do sistema literario (antoloxía, nacionalismo literario, canonización, hexemonía sociocultural...) e os procedementos textuais de desintegración (parodia, subversións, silenciamento).

Indícanse as fontes do seu programa teórico para a análise da cultura galega e da nación, a evolución da súa proposta de aplicación aos estudos galegos (ponse como exemplo a introdución e crítica posterior a Itamar Even-Zohar e Pierre Bourdieu) e as súas contribucións á luz dos estudos culturais, a socioloxía da cultura e os estudos poscoloniais (ou estudos da subalternidade).

Este é o texto da intervención de Arturo Casas na homenaxe a Xoán González-Millán que organizou a AIEG (Asociación Internacional de Estudos Galegos) no seu VII Congreso, celebrado en Barcelona en 2003.