Semblanza de Xoán González-Millán como investigador que abriu unha vía para a análise teórica e crítica dos procesos sociais, ideolóxicos e culturais que participan na vertebración da literatura galega, feita en diálogo cos principais autores das teorías dos polisistemas, dos estudos poscoloniais e socioliterarios. Saliéntase o seu papel como referente e dinamizador dos estudos galegos nos Estados Unidos e o seu labor como presidente da Asociación Internacional de Estudos Galegos (AIEG).

Este é o texto da intervención de Helena González na homenaxe a Xoán González-Millán que organizou a Asociación Internacional de Estudos Galegos no seu VII Congreso, celebrado en Barcelona en 2003.