Estudo das colaboracións galegas na publicación mensual rexionalista catalá La España Regional. A publicación ocúpase de temas de tipo social, económico e político, e particularmente daqueles vinculados á identidade rexional. A literatura en galego é o tema que ocupa maior espazo na revista, tanto na sección de creación como na de información bibliográfica, e facilitou o contacto entre os rexionalistas e a difusión da poesía do Rexurdimento. De Murguía, colaborador habitual na publicación, reprodúcese o seu discurso nos Jocs Florals de Barcelona de 1887. En apéndice detállanse as 75 colaboracións do rexionalismo galego nesta publicación.