Transcrición, revisada, da última lección de Basilio Losada como profesor na Universitat de Barcelona.

Estúdase a obra literaria de Rosalía de Castro como escritora clásica e fundacional da literatura galega e, pola contra, ponse en evidencia o descoñecemento das súas achegas fóra dos estudos galegos, como consecuencia da pouca atención que lles presta ás literaturas marxinais que son, porén, as que teñen maior capacidade de innovación e de tratar temas realmente interesantes.

Fai un percorrido pola súa biobibliografía e demórase nas diversas lecturas rosalianas, centradas no pobo (non no folclore), na saudade, nas mulleres de clase popular, na súa relixiosidade (alicerzada no "silencio de Deus" e a inxustiza contra os inocentes). Coméntanse de vagar Follas novas e mais as novelas La hija del mar, Flavio e El Caballero de las botas azules.