Caracterización da chamada "poesía dos noventa" por parte dunha das poetas que formou parte desa promoción. Cítanse colectivos, premios e editoriais que, na súa opinión, axudaron a callar esta nova posición e ofrécense algúns nomes. Acompáñase cun poema do libro Pel de ameixa, da propia Marta Dacosta.
Seguindo a Emilio Ínsua, a autora coida que os trazos fundamentais desta viraxe poética son a desbarroquización e a comunicación. Pon de manifesto algúns dos atrancos que a etiqueta "poesía dos noventa" ten para acadar a categoría de xeración, pola existencia de diversos grupos e a interacción con poetas de maior idade, como María Xosé Queizán e Chus Pato. Finalmente saliéntase a innegábel presenza das mulleres como autoras e a importancia que está a ter a mirada feminista na escrita. Remata afirmándose como autora: "queremos feminirrevolucionar o mundo da poesía.