O concepto de escritor desclasado, formulado por Claudio Magris nunha conferencia pronunciada en Barcelona, válelle ao autor do artigo para aplicar á figura de Ricardo Carvalho Calero, logo da lectura do seu último libro de poesía, Reticências... (1986-1989), publicado en 1990. Así, o punto de vista "fóra de xogo" (seguindo a Magris) ou a ironía son interpretadas como estratexias que codifican esa posición excéntrica do eu lírico. O artigo percorre tamén a presenza no libro de recursos habituais na poesía de Carvalho como a reflexión metaliteraria, a pegada culturalista, etc. sen deixar de sinalar eivas como a falta de ritmo e musicalidade.