Estudo do proceso de construción do sistema cultural galego entre 1968 e 1978. Os principais focos de atención son a identificación dos grupos e axentes participantes nese proceso, así como as ideas fabricadas. Analízanse especificamente as ideas que se refiren á relación entre Galiza e Portugal, considerado como referente de reintegración histórico do galeguismo. Con base na teoría do campo literario e na teoría dos polisistemas, o estudo incorpora a análise de redes para a observación das posicións e relacións estabelecidas entre editoriais, produtores, revistas e ideas no período referido. O traballo insírese no proxecto Portugal e o mundo lusófono na literatura galega (1968-2000), desenvolvido polo Grupo Galabra da Universidade de Santiago de Compostela.