Nota biobibliográfica sobre Luís Seoane, publicada no ano no que se lle dedicou o Día das Letras Galegas. Tracéxase o seu perfil biográfico, a súa formación e o seu papel chave na Arxentina, a onde chega como exiliado logo da victoria do Xeneral Franco. Seoane, un dos persoeiros centrais e máis activos da cultura galega en Bos Aires, recoñecido como artista plástico, e vinculado ao mundo editorial, decide escribir como consecuencia do seu compromiso como galeguista e marxista coa nación, coa comunidade emigrante e co pobo galego. O percorrido pola súa obra permite constatar unha vontade de escrita en diversos xéneros e, particularmente, a súa visión política da realidade galega e da súa historia. O artigo complétase cunha listaxe da súa bibliografía literaria.