Artigo biobibliográfico divulgativo sobre Aquilino Iglesia Alvariño. Trátase dunha das habituais notas publicadas por Alborada. Revista do Centro Galego de Barcelona co gallo do Día das Letras Galegas. Faise un percorrido pola obra do poeta, valórase a influencia dos clásicos, que el mesmo traducira, explícanse os elementos chave da súa poética (paisaxe e ruralismo) e destácase a capacidade de asimilar as poéticas clásicas e incorporalas á poesía en galego. Ao mesmo tempo ponse en relación a súa mirada sobre a paisaxe con poetas e pintores da Modernidade para salientar o diálogo cos creadores coetáneos.