Estudo da obra de Lois Pereiro a partir da dialéctica entre literatura e plástica. O autor comeza por reconstruír brevemente a historia das relacións entre escrita e imaxe na arte occidental, para despois proxectar focos de análise relacionados coa produción de Lois Pereiro. Con interese específico pola presenza e a funcionalidade da cor en Náufragos do paradiso, a novela inacabada de Pereiro dada a coñecer na revista Luzes de Galiza despois da súa morte. No artigo, para alén, explóranse os vínculos entre a obra do pintor Antón Patiño e a do poeta monfortino, e reconstrúese esquematicamente a rede intertextual que fundamentou a poética de Pereiro, con protagonismo destacado para escritores como Thomas Bernhard ou Paul Celan.