A autora recupera íntegro o texto de presentación do seu libro Códice Calixtino (1986) e sitúao como pórtico da serie poética "Consagración de Trasalba". A proposta central desenvolvida procede da convicción de que o labor poético consiste nunha achega de luz ou claridade que se vén sumar a toda a poesía anterior, á poesía do mundo ou "poema total", segundo a mención de Pozo Garza. Dese xeito, a poesía enténdese como a clarificación da idea na conciencia. A isto engádese a comprensión da poesía como ofrenda e como vieiro propicio para un coñecemento trascendente do suxeito e do mundo.