Transcrición dun poema autógrafo (ofrécese reprodución facsimilar) de Otero que el mesmo escribiu a modo de dedicatoria no exemplar da 2ª edición da súa Guía de Galicia que agasallou á biblioteca da RAG. Tras facer unha serie de consideracións xerais sobre a obra poética oteriana, e sobre a importancia do motivo temático do outono tanto no poema coma no conxunto da súa produción, o autor do artigo remata poñendo en relación o poema recuperado co limiar d'O libro dos amigos, onde formula a mesma preocupación pola lembranza dos amigos mortos.