Reflexións sobre o funcionamento da crítica no sistema literario galego a propósito do intento de canonización de María Mariño, autora á que se lle dedicou o Día das Letras Galegas en 2007. Faise un percorrido pola diacronía do sistema literario galego: polas diferentes mediacións que entronizaron nos 60 a poesía de Mariño, creando a figura dunha poeta, muller do pobo non contaminada e destrutora da lingua burguesa. Recentemente a autora foi relanzada pola crítica feminista. Á espera dunha definitiva lexitimación social e estética, a autora pide rigor autocrítico e revisión de certas afirmacións da crítica galega acerca da súa escrita.