Alúdese ao coñecemento, xa tópico, da presenza de Rosalía de Castro en determinados autores e chámase a atención á pouca importancia que se lle concedeu ao estudo elaborado polo hispanista angloandaluz Gerald Brenan.

Aurora López analiza o traballo de Brenan e valora tres feitos: ser unha das primeiras publicacións serias sobre Rosalía en lingua inglesa, ser un libro de enorme difusión, o interese que lle dedica á poeta no conxunto dos escritores e, por último, as opinións e o tratamento que lle merecen. A estudosa tamén dedica un apartado aos aspectos peculiares do libro: as fontes, as comparacións con outros autores e a reacción da poeta galega contra a pobreza.

Conclúese reivindicando as páxinas rosalianas de Brenan, a quen tamén se lle debe a tradución ao inglés de dous poemas.