Salgado reflexiona sobre as liñas temáticas principais do libro e, a pregunta dos entrevistadores, vínculao cunha proposta colectiva de indagación sobre as relacións entre linguaxe, poesía e política, representada tamén por autores como Alberto Lema ou Mario Regueira en libros recentes, Da máquina e O silencio, respectivamente. É unha temática, no seu criterio, imposta polo tempo histórico actual. Enlázaa coa revisión política e cultural dos suxeitos individuais e colectivos, do corpo, do texto como inscrición, da impotencia de escribir neste tempo e mesmo coa tentación do silencio. Fálase tamén dos referentes e os intertextos do libro, con referencia a Dante, Hölderlin, Badiou, Ferrín, Eagleton, Darwich, Ferrín, Sachs, Ginsberg e o grupo Das Kapital, do que o autor forma parte.