Estudo dedicado a un aspecto fundamental en Rosalía de Castro: o bilingüismo. O investigador considera que o emprego das dúas linguas deriva da situación do galego e do castelán na época rosaliana.

Segundo Claude Poullain, a importancia e orixinalidade da poeta está, por unha banda, no enriquecemento do idioma galego ao utilizarse para varias clases de poesía e ao convertelo nunha lingua universal. Por outra banda, Rosalía crea unha poesía lírica e existencial nova grazas á concretización do abstracto xa que os conceptos e problemas se expresan nunha lingua próxima á do pobo.