O texto é a transcrición dunha tertulia radiofónica emitida no programa "Diario cultural" da Radio Galega, celebrada co gallo do relanzamento da revista Dorna en 1996. Na tertulia participan, ademais dos condutores habituais do programa, varios membros do equipo de redacción da revista e poetas de distintas xeracións. Logo de evocar os primeiros pasos da revista, pásase a valorar a súa contribución ao desenvolvemento da poesía galega dos 80 e a analizar cal pode ser o seu papel no campo literario galego dos 90.