Alúdese ao poema de Rosalía de Castro, á súa interpretación e a algúns dos motivos de carácter existencial que puideron influír na súa escritura. As diversas interpretacións non atenden, para Xavier Costa Clavell, á personalidade poética de Rosalía, moi vinculada ao misterio metafísico.

Costa Clavell considera que non existiría un significado concreto, senón que no texto confluirían distintos sentimentos, vivencias e pensamentos porque o símbolo da sombra é polisémico.