A recensión ábrese dilucidando a ubicación de Álvarez Torneiro na historia da poesía galega do século XX para pasar despois a unha enumeración panorámica das súas obras. A seguir, coméntase Luz de facer memoria como peche dun ciclo iniciado en 1986 e caracterizado polo papel protagónico que nel desempeña a memoria; analízanse tamén as relacións temáticas que o poemario reseñado mantén con outros anteriores e remátase cunha valoración moi positiva da obra comentada.