Reseña do libro de Alfredo Ferreiro Metal central (2009), finalista do XX Premio Nacional de Poesía Xosémaría Pérez Parallé. O texto lese como unha parábola constituída a partir da montaxe textual de breves proxeccións que informan —mediante unha voz comunal e experiencial— do proceso da fabricación metalúrxica e do pouso que deixa nos operarios, cruzado isto coa lectura correlativa de varios mitos ou imaxinemas. Entre eles, o da caverna, o do pequeno mundo do home, o do mundo-fábrica, o da autoformación e perda da inocencia e o do fetichismo da mercadoría. A reseña acode a algúns referentes sociolóxicos e da teoría política na súa análise (Marx, Lukács, Arendt, Debord).