Despois de aludir á aptitude e vocación musical de Rosalía de Castro, Xosé Filgueira Valverde aborda a presenza da música na súa obra.  Ao autor non lle estraña que o canto e os cantares sexan os fíos condutores da literatura rosaliana, por iso profunda nas alusións ao canto relixioso, á muiñeira, ao baile na campía, aos cantos e bailes "de salón" e aos instrumentos.

A "Alborada" merece unha atención especial para o estudoso por tratarse dunha innovación xurdida na periferia peninsular e cuxa difusión popular, antes e despois de incluírse nos Cantares gallegos, foi considerable.