A autora describe actitudes de Rosalía de Castro que mostran a asimilación da retórica da súa época no relativo á muller. Con todo, a análise da súa obra e da súa biografía suxire que esa abnegación e modestia é unha visión parcial.

Para Martha Lafollette algunhas teorías psicanalíticas da personalidade axudan a comprender a poeta, a corrixir falsas interpretacións e a abrir outras novas. Nesta liña, Lafollette considera que as emocións atribuídas por Alice Miller á privación materna son moi evidentes en Rosalía e permiten ver a relación entre eixes sociais e sociolóxicos na súa obra, recoñecer contradicións entre elementos da retórica decimonónica que ela utiliza e as posibilidades humanas que lle foron dadas.