Esta bibliografía sistemática contén máis de 6.000 referencias (monografías, artigos, capítulos de libros, números monográficos de revistas) sobre Teoría e Crítica literarias, así como sobre Literatura comparada e outras disciplinas relacionadas cos Estudos literarios.
O límite temporal das publicacións é o ano 2001. Recóllense referencias publicadas sobre todo en inglés e nas seguintes linguas románicas: galego, portugués, castelán, francés, catalán e italiano. Son excepcionais as referencias noutras linguas.
A bibliografía organizouse en sete grandes apartados, cada un deles coas súas epígrafes, correlativos na altura aos programas vixentes das materias impartidas pola área de Teoría da literatura e Literatura comparada da Universidade de Santiago de Compostela. As referencias bibliográficas e hemerográficas asígnanse sistematicamente a unha ou varias epígrafes en función dos seus contidos.
A inmensa maioría das referencias foi consultada nas bibliotecas da Universidade de Santiago de Compostela, polo que seguirá sendo de acceso público para estudantes e profesorado.
ORGANIZACIÓN TEMÁTICA DA BIBLIOGRAFÍA
1. Deslindes
1.1. Cuestións epistemolóxicas: problemas e métodos.
1.2. O campo dos Estudios literarios.
1.3. As subdisciplinas dos Estudios literarios: Teoría da literatura, Historia da literatura, Crítica literaria e Literatura comparada.
1.3.1. Obxecto, metodoloxías e problemas básicos da Historia da literatura.
1.3.2. Obxecto, metodoloxías e problemas básicos da Crítica literaria.
1.3.3. Obxecto, metodoloxías e problemas básicos da Literatura comparada.
1.4. A Teoría da literatura fronte a outras disciplinas humanísticas e sociais.
1.5. Variabilidade e pluridimensionalidade histórica e cultural do concepto de literatura e dás súas funcións. Literatura e novos medios.
1.6. A literatura entre as artes.
2. Historia da Teoría literaria
2.1. A Poética e a Retórica en Grecia e Roma. A Poética helenística.
2.2. A Poética e a Retórica medievais.
2.3. A Poética e a Retórica clasicistas.
2.4. Da Poética da Ilustración á Poética romántica.
2.5. O paradigma filolóxico e outros desenvolvementos teóricos no século XIX.
2.6. Século XX: os paradigmas formal-estructural e semiótico.
2.7. Século XX: os paradigmas sociolóxico, marxista e sistémico.
2.8. Século XX: postestructuralismo e paradigmas fenomenolóxico-hermenéutico e do suxeito enunciador.
3. Elementos
3.1. Representación e ficción. Temática.
3.2. Oralidade e escritura.
3.3. A obra literaria: texto, sistema literario e feito social.
3.4. A obra literaria en canto formación estratificada de carácter estético-lingüístico. Aspectos ontolóxicos e fenomenolóxicos.
3.5. A obra literaria en canto discurso e acción comunicativa. Aspectos pragmáticos da enunciación literaria.
3.6. Epistemoloxía da obra literaria. Autor e lector. Formas de lectura.
3.7. Intertextualidade, transducción e traducción.
3.8. A obra literaria como signo ideolóxico e cultural.
3.9. A interpretación.
3.10. Universais e tipoloxía literaria. A cuestión dos xéneros.
3.11. O diálogo e o dialoxismo.
3.12. A narración e a narratividade.
3.13. A descrición.
3.14. A argumentación.
4. A poesía
4.1. Poesía e lírica. A prosa e o verso.
4.2. Pragmática da poesía. A enunciación poética. Poesía, referencia e ficción.
4.3. A recepción da poesía. O espacio sociocultural e sistémico da poesía.
4.4. Conceptos métricos fundamentais: ritmo, metro e verso.
4.5. Tipoloxías. Estrofas e xéneros. Opcións morfolóxicas non convencionais: o verso libre, o poema en prosa e a poesía experimental.
4.6. A especificidade estético-lingüística da poesía. Niveis gráfico, fónico e morfosintáctico.
4.7. A especificidade estético-lingüística da poesía. Nivel semántico-temático.
5. A narrativa ficcional
5.1. A enunciación narrativo-ficcional. Historia e discurso.
5.2. Tipoloxías do arquixénero narrativo ficcional. A narrativa de transmisión oral: as formas épicas e o conto tradicional. O conto literario.
5.3. Conceptos de novela. Morfoloxía novelística.
5.4. Visión e voz. A modalización narrativa. Variantes discursivas.
5.5. O cronotopo: temporalización e espacialización.
5.6. Elementos semánticos da narración ficcional.
5.7. A historia e as categorías actanciais. Lóxica e gramática do relato.
6. O teatro
6.1. Texto dramático e texto espectacular. A enunciación teatral.
6.2. O teatro como acción comunicativa. O diálogo teatral.
6.3. A representación e os signos teatrais. O público. O actor.
6.4. Tipoloxía teatral. A traxedia, a comedia e outras modalidades teatrais.
6.5. Espacio dramático e ámbitos escénicos.
6.6. O tempo no teatro.
6.7. A acción dramática. O personaxe e as categorías actanciais.
7. O ensaio
7.1. A enunciación ensaística. Formas liminares ensaístico-ficcionais.
7.2. O ensaio e o sistema literario. Tipoloxía histórica e metodolóxica das modalidades didácticas e argumentativas.
7.3. Razón, persuasión e técnicas argumentativas.
7.4. Dispositio e elocutio no ensaio.
culturagalega.org
Audiovisual | Música | Literatura | Banda deseñada
Subscríbete | Entra no teu perfil | Aviso legal | Licenza de uso | Contacto
Consello da Cultura Galega
Pazo de Raxoi, 2 andar. 15704 Santiago de Compostela (Galicia)
Tfno: 981957202 / Fax : 981957205 / e-mail: redaccion@culturagalega.org