Aplicación do método semiótico-pragmático á análise dun coñecido poema de Manuel Curros Enríquez. O autor declara que o propósito do capítulo é ofrecer información de conxunto sobre un modelo de análise escasamente practicado no ámbito dos Estudos Galegos. Introdúcense unha serie de nocións teóricas (cotexto e contexto, subtexto e macroestrutura, isotopía, coupling, sentido e significado, presuposición, cohesión textual, mundo posíbel, actos de fala, ideoloxema, regra F, lector implícito, forza ilocutiva...) e as bases epistémicas dalgunhas correntes lingüísticas e semióticas (pragmática, lingüística do texto, teoría da estrutura do mundo e da estrutura do texto, hermenéutica, retórica e teoría da argumentación, semiótica da ideoloxía, análise actancial, análise macroestrutural...) e aplícanse posteriormente estas propostas ao poema "Na chegada a Ourense da primeira locomotora".