José Luís Forneiro critica o feito de ainda no século XXI haber persoas que defenden a existencia dun romanceiro en lingua galega, a pesar dos traballos científicos publicados nos últimos anos sobre os romances tradicionais de Galiza que demostraron as diversas manipulacións que sufriu este xénero literario oral desde a segunda metade do século XIX. Este tipo de falsificacións tamén tiveron lugar noutros países do ámbito ibérico e europeo e xa foron debidamente denunciadas, porén, en Galiza estas invencións decimonónicas aínda teñen vixencia en certos sectores culturales galegos debido, segundo Forneiro, ao grande atraso dos estudos galegos no campo da literatura oral e á falta de autocrítica na cultura galega das últimas décadas.