Alúdese ao tópico de aplicarlle características literarias masculinas á obra de Rosalía de Castro e cítase un crítico nesta liña. A continuación estúdanse os elementos que, na poesía de Rosalía, describirían a súa feminidade. Con este obxectivo analízase a finalidade da lírica da poeta e o tratamento dalgúns temas representativos da súa obra en galego e nos que se manifesta a orixinalidade propia dunha muller (o amor, a soidade, a muller, a autocrítica, a moralidade e a denuncia social).

Conclúese comparando a produción poética en galego coa produción en castelán e destácase que na primeira Rosalía se mostraría como unha autora pouco romántica, máis sincera e máis espontánea.