No ano en que se lle dedicou o Día das Letras Galegas a Uxío Novoneyra, a Revista das Letras ofrece unha selección das achegas feitas por varios investigadores e amigos do poeta a partir da pregunta "Cal foi a túa descuberta?", co obxectivo de que estes expresasen a súa historia de transformación persoal producida a través da indagación sobre Novoneyra.

Entre os participantes neste monográfico publicado o 17 de maio e ilustrado por Xurxo Fernández están Fran Alonso, Herminio Barreiro, Antón Patiño, José Luis Gallero, Maite Dono, Xosé Lois García, Arturo Casas, Branca Novoneyra, Luís Cochón, Uxío Novoneyra Rei, Esperanza Mariño e Carmen Blanco.

O equipo de poesiagalega.org deixa constancia do seu agradecemento ao Grupo Correo Gallego e en particular a Caetano Díaz, director de Galicia Hoxe, por facilitaren a reprodución deste e doutros números de "Revista das Letras". O agradecemento diríxese tamén a Antón R. López e Montse Dopico, coordinadores do suplemento, e faise extensivo aos xornalistas, técnicos e colaboradores do mesmo.