O artigo sitúa a figura de Rosalía de Castro nas polémicas que tiveron lugar en Portugal arredor da cuestión do saudosismo como un trazo identitario específico. Préstase especial atención á valoración que da escritora galega fai Teixeira de Pascoais, relacionando a saudade co sentimento amoroso (proxectable non só sobre a muller senón tamén sobre Deus ou a patria) que Rosalía simbolizaría á perfección.