Comézase anunciando o contido xeral do poemario: unha visión da muller a partir dun percorrido polos escaparates da cidade de Vigo. Fálase das seccións en que se divide a obra, vencelladas á temática da moda, e anótase a explicitude do paratexto da contracapa. Como motivos destacados cítanse: a ditadura do consumo, o comercio (in)xusto, a relación moda-identidade, ou a escravitude do culto ao corpo, entre outros. Menciónase tamén a procura da desautomatización, da ironía e da oralidade, nun convite a lela como unha das voces máis representativas da poesía dos 90.