Estudo lingüístico, métrico e formal dun poema descoñecido de Eduardo Pondal directamente inspirado por unha cantiga de amigo de Joan Zorro. O texto pondaliano constituiría o primeiro resultado do neotrobadorismo, se ben ficou no ámbito do privado e en consecuencia non alcanzou ningunha clase de repercusión pública. De todos xeitos, proponse adiantar a 1905 a data inicial de recreación das formas medievais na poesía galega, seis anos antes da aparición dos “Cantares d’amigo” (1911) de Carles Riba e catorce anos antes do “Poemeto da vida” (1919) de Johán Vicente Viqueira.